ҮЖИН хөтөлбөрийн төгсөгч Э.Энх-Амгалан олон улсын шалгалтад өндөр амжилт үзүүллээ

2025 оны 09 сарын 26

Хурдасгуур сангийн Томүжин Академитай хамтран хэрэгжүүлсэн 2024–2025 оны ахлах ангийн сурагчдад зориулсан хөгжлийн хөтөлбөрийн энэ удаагийн онцлох оролцогчоор ҮЖИН хөтөлбөрийн төгсөгч, Өмнөговь аймгийн Ханбогд сумын 1-р сургуулийн 2025 оны төгсөгч Э.Энх-Амгалан тодорлоо.

Тэрээр хөтөлбөрийн үр дүнд Duolingo англи хэлний шалгалтад 115 оноо буюу IELTS шалгалтын 7 оноотой дүйцэхүйц амжилт гаргажээ. Мөн их сургуулийн өргөдлөө амжилттай илгээж, АНУ-ын Albion, Beloit, Wabash коллежуудаас элсэх урилга авсан байна.

🎉 Хичээнгүйлэн суралцсан Энх-Амгаландаа баяр хүргээд зогсохгүй, уг хөтөлбөрт идэвх, чармайлттай оролцсон бүх сурагчдадаа, хөтөлбөрийн сургагч багш нартаа, хүүхдүүдийнхээ өсөлт хөгжилд үнэтэй хувь нэмэр оруулсан эцэг эх, сургуулийн хамт олонд талархал илэрхийлье.

🌏 Дэлхийн иргэд Ханбогдоос

Э.Энх-Амгалан сэтгэгдэл:
"Эхэндээ Томүжингийн RD хөтөлбөрт элсэхэд надад бүх зүйл сонин, шинэлэг санагдсан. Таних хүн бараг байхгүй, бас бусдын адил сайн хийж чадахгүй байгаагаа хараад их бухимддаг байлаа. Өөрийгөө энд харьяалагдахгүй, байх ёсгүй мэт мэдэрдэг байсан. Гэхдээ цаг хугацаа өнгөрөхийн хэрээр юмс аажмаар өөрчлөгдөж эхэлсэн. Хөтөлбөрт дасаж, хамт олныхоо нэг хэсэг мэт мэдэрч эхэлсэн. Анх би хөтөлбөрөө зөвхөн сургуульд өргөдөл гаргах, коллежийнхаа төлөвлөгөөнд л ажиллах тухай гэж бодож байлаа. Сургуульд өргөдөл гаргах нь бидний гол зорилго байсан ч бид хамтдаа цагийг өнгөрөөх тусам миний хувьд зүйлс өөрчлөгдөж эхэлсэн. Бид дурсамж бүтээж, инээлдэж, бие биедээ тусалж, туршлагаа хуваалцдаг болсон. Их сургуульд өргөдөл гаргах нь чухал хэвээр байсан ч, миний хувьд хамгийн утга учиртай нь энд танилцсан хүмүүс маань болсон. Надтай адил мөрөөдөл, зорилготой хүмүүстэй хамт байх нь энэ бүхнийг мартагдашгүй болгосон. Эцэст нь, миний бүтээсэн дурсамж, нөхөрлөсөн найзууд маань RD хөтөлбөрийн хамгийн үнэ цэнтэй, хамгийн дурсамжтай хэсэг болж үлдсэн."