Бидний тухай
Оюу Толгой компани нь Өмнөговь аймгийн Засаг даргын Тамгын газар, Ханбогд сумын Засаг даргын Тамгын газар, Барилга, хот байгуулалтын яамтай хамтран Ханбогд сумын төвийн хөгжлийн ерөнхий төлөвлөгөөг хэрэгжүүлэх зорилгоор 5 жилийн хугацаанд 50 сая ам.долларын хөрөнгө оруулалт хийх Харилцан ойлголцлын санамж бичигт 2022 оны 5-р сард гарын үсэг зурсан.
Уг хөрөнгө оруулалтыг хэрэгжүүлэх нэгж болох Ханбогдын хөгжлийн хурдасгуур Оюу Толгойн сан-г 2022 оны 10-р сард төрийн бус байгууллагын статустайгаар албан ёсоор байгуулсан.
Хурдасгуур сан нь дээр дурдсан оролцогч талуудын идэвхтэй хамтын ажиллагаа, тогтвортой түншлэлийн үр дүнд Өмнөговь аймгийн Ханбогд сумын төвийг амьдрахад таатай, гэр бүлд ээлтэй, тогтвортой хөгжил бүхий орчин үеийн суурин болгон хөгжүүлэх зорилготой үйл ажиллагаа явуулж байна.
Сангийн үндсэн үйл ажиллагаа
Ханбогд сумын хөгжлийн ерөнхий төлөвлөгөө болон талуудын нэгдмэл алсын харааг хэрэгжүүлэхэд хувь нэмэр оруулах зорилгоор хөрөнгө оруулалт хийх, хөрөнгө оруулагчид болон бусад оролцогч талуудыг нэгтгэн хамтран ажиллах үйл ажиллагааг хэрэгжүүлнэ.
Стратегийн зорилго
Бат бөх хамтын ажиллагаанд тулгуурлан Ханбогдыг амьдрахад таатай, гэр бүлд ээлтэй, тогтвортой хөгжил бүхий орчин үеийн суурин болгон хөгжүүлж, иргэдийн амьдралын чанар, сайн сайхан байдлыг нэмэгдүүлэхэд чиглэнэ.
Нэгдмэл алсын хараа
Ханбогд:
© 2025 "Ханбогдын хөгжлийн хурдасгуур Оюу толгойн сан" бүх эрх хуулиар хамгаалагдсан